وڵاتی ئێران دوای ته‌واوبونی كاره‌كانی به‌نێوده‌وڵه‌تیكرنی مه‌رزی پشته، به‌رنامه بۆ به‌نێوده‌وڵه‌تیكردنی مه‌رزه‌كانی دیكه‌ی نێوان هه‌رێم و ئێران هه‌یه و نوێنه‌ری حكومه‌تی هه‌رێمیش له‌ووڵاته رایده‌گه‌یه‌نێت: بڕیاری به‌نێوده‌وڵه‌تیكرنی مه‌رزه‌كان له‌لایه‌ن وڵاتی ئێرانه‌وه ده‌رچوه، به‌ڵام پێویستی به‌هه‌ماهه‌نگی نێوان عیراق و هه‌رێمی كوردستانیش هه‌یه، تاوه‌كو جێبه‌جێ بكرێت.
نازم ده‌باغ نوێنه‌ری حكومه‌تی هه‌رێم له‌وڵاتی ئێران راگه‌یاند:دوای ته‌واوبونی كاره‌كانی به‌نێوده‌وڵه‌تیكرنی مه‌رزی پشته، به‌رنامه بۆ به‌نێوده‌وڵه‌تیكردنی مه‌رزه‌كانی(سه‌یران به‌ن، كێلێ و ته‌وێڵه)ش هه‌یه.
ئاشكراشیكرد،”بڕیاری به‌نێوده‌وڵه‌تیكرنی مه‌رزه‌كانی نێوان ئێران و هه‌رێم، له‌لایه‌ن وڵاتی ئێرانه‌وه ده‌رچوه‌و كاره‌كانیان ته‌واوكردوه، به‌ڵام پێویستی به‌هه‌ماهه‌نگی نێوان عیراق و هه‌رێمی كوردستانیش هه‌یه، تاوه‌كو بڕیاری نێوده‌ڵه‌تی مه‌رزه‌كان جێبه‌جێ بكرێت”.
لە سایتى (SNN) وەرگیراوە
