بەڕێوەبەرایەتى پاسپۆرتى پارێزگاى سلێمانى

بەڕێوەبەری پاسپۆرتی سلێمانی: سوپاسی ئەو دەرچوانەی زانکۆ دەکه‌ین کە بە دەم ئاگاداريیەکەمانەوە ھاتن

Share on facebook
Share on google
Share on twitter
Share on linkedin

بەردەوام ئه‌و ھاوڵاتیانه‌ی کە لە تاراوگە دەژین کاتێک سەردانی بەڕێوەبەرایەتی پاسپۆرتییان دەکرد یان له‌ ڕێی په‌یجی فه‌رمی پاسپۆرتی سلێمانیه‌وه‌ گلەیی و گازندەی ئەوەیان دەکرد کە لەسەفارەتەکانی عێراق كاروباریان وه‌كو پێویست جێبه‌جێ ناكرێت و فەرمانبەری کوردیان یان نیە یان زۆر کەمە.

له‌مباره‌یه‌وه‌ عه‌میدی مافپه‌روه‌ر(سالار عه‌بدوڵا) به‌ڕێوه‌به‌ری پاسپۆرتی پارێزگای سلێمانی ڕایگه‌یاند ، ئێمه‌ وه‌كو ئه‌ركێكی نیشتیمانی به‌رده‌وام له‌ هه‌وڵداین و سه‌ردانی وه‌زاره‌ته‌ په‌یوه‌ندیداره‌كانی عێراق ده‌كه‌ین له‌ به‌غداد به‌ تایبه‌ت كاروباری پێدانی پاسپۆرت به‌ هاوڵاتیان و پاشان چه‌ندین جار هه‌وڵ و كۆشش كراوه‌ بۆ به‌ نێوده‌وڵه‌تی كردنی مه‌رزه‌ لاوه‌كییه‌كانی سنوری پارێزگای سلێمانی، جگه‌ له‌وه‌ش چه‌ند جارێك سه‌ردانی وەزارەتی دەرەوەی عێراقمان کرد و گلەیی و گازندەی ھاوڵاتیانی گەیاندە لایەنی پەیوەندیدار، هه‌رچه‌ند سه‌ردانی وه‌زاره‌تی ده‌وه‌ په‌یوه‌ندی به‌ كاروباره‌كانی پاسپۆرته‌وه‌ نیه‌ به‌ڵام، ھەست کردن بە بەرپرسیاریەتی بەرامبەر به‌ مافە سروشتی و دەستوریەکانی نەتەوەکەمان ئەو کارمان گرتۆته‌ ئەستۆ.

به‌ڕێوه‌به‌ری پاسپۆرت ئه‌وه‌شی ئاشكراكرد، له‌ سه‌ره‌تای ئه‌م مانگه‌وه‌ وەزارەتی دەرەوە پێیان راگەیاندین کە پەیمانگای دبلۆماسی دەکەنەوە و هاوڵاتیانی کورد ئەگەر مەرجەکانیان تێدا بێت دەتوانن ببن بە خوێندکاری ئەو پەیمانگایەو له‌ دوای دەرچوونیان ببنه‌ فەرمانبەری وەزارەتی دەرەوە عێراق.

عه‌مید سالار ووتیشی ” ئەوەی جێی نیگەرانیە تا ئێستا ئەمە (٢٨) ەمین جارە پەیمانگای دبلۆماسیە دەکرێتەوەو پێشتر ھاوڵاتیانمان ئاگادارنه‌بوون کە فۆڕم پربكه‌نه‌وه‌ و ببنە خوێندکار و دواتریش له‌ وەزارەتی دەرەوەی عیراق ببنە فەرمانبەر، به‌ڵام ئه‌وه‌ی جێی دڵخۆشییه‌ هه‌ر له‌ سه‌ره‌تای بڵاوكردنه‌وه‌ی فۆرمه‌كه‌ له‌لایه‌ن وه‌زاره‌تی ده‌وه‌ی عێراقه‌وه‌ ئێمه‌ش له‌ ڕێی په‌یجی فه‌رمی پاسپۆرت و كه‌ناڵه‌كانی ڕاگه‌یاندنه‌وه‌ بڵاومان كرده‌وه‌ بۆ هاوڵاتیانمان ڕوونكرده‌وه‌ تا سود مه‌ندبن له‌ پڕكردنه‌وه‌ی فۆرم، پاش بیستنی ئاگادارییه‌كه‌ و پركردنه‌وه‌ی فۆرم له‌لایه‌ن هاوڵاتیانه‌وه‌، تا ئێستا (ژمارەیەک دەرچووى زانکۆ) کورد مەرجەکانیان تێدا بوو به‌ ئیمه‌یڵ نامه‌ی رەزامەندیان بۆ گەڕاوه‌ته‌وەو پاش ئاگادار كردنه‌وه‌یان بەڵگەنامەکانیان دەبەنە وەزارەتی دەرەوە وە و چاوپێكه‌وتنیان له‌گه‌ڵ ده‌كرێت، بەم ھەنگاوەش ھەم ھەلی کار بۆ ئەو كه‌سانه‌ دروست ده‌بێت ھەم فەرمانبەری کورد زیاد دەکات لە سەفارەتەکانی عێراق و كاروباری ھاوڵاتیانمان لە دەرەوەی وڵاتیش زووتر جێبەجێ دەبێت”.

به‌ڕێوه‌به‌ری پاسپۆرت له‌ درێژه‌ی قسه‌كانی ووتی: سوپاسی سەرجەم ئەو دانەمەزراوانە دەکەین کە بە دەم ئاگاداریەکەمانەوە ھاتن فۆڕمیان پڕكرده‌وه‌ و لێرەوە بەڵێنی ئەوە بە ھەموو ھاوڵاتیانیش دەده‌ین کە بەردەوام دەبین و له‌ دوای ئەم خولەش کە خولی (29)ه‌مین کرایەوە ئاگاداری ھاوڵاتیان ده‌كه‌ین وە نەک لە وەزارەتی دەرەوە بەڵکو لە ھەر وەزارەتێکی تری عێراق ئەگەر مافی کورد بێت بە دواداچوونی بۆ ده‌كه‌ین و بە ھاوڵاتیانی راده‌گه‌یه‌نین.

تێبینی :- ھەر خوێندکارێکی بەشداربوو ئەگەر بەنامە فۆڕمی قبوڵکردنەکەی بۆ نەناردووین ئەتوانێت ئاگادارمان بکاتەوە تا ئەو ملزەمەیەی بەدەست بگات کە پێویستە بۆ چاوپێکەوتنی دووەم جار ھیوای سەرکەوتن بۆ ھەموولایەک

ڕاگه‌یاندن و په‌یوه‌ندییه‌كان