بەڕێوەبەرایەتى پاسپۆرتى پارێزگاى سلێمانى

Search
Close this search box.

پێداویستیەکانى نوێکردنەوەى پاسپۆرت

هاوڵاتى بەڕێز: لە کاتى سەردانکردن بۆ مەبەستى نوێکردنەوە (تازەکردنەوە)ى پاسپۆرتەکەت، پێویستە ئەم بەڵگەنامانەت پێبێت بۆ جێبەجێکردنى مامەڵەکەت :

١- ڕەگەزنامە (الجنسیة).

٢- پێناسى بارى شارستانى (هویة الاحوال)  پێویستە فسفۆربێت.

٣- کارتى زانیارى (بطاقة سکن)

٤- یەک وێنەى پاسپۆرت

٥ ـ پاسپۆرتە کۆنەکەت.

٦ – چەکى بانک لەبەردەم بەڕێوەبەرایەتى و لە ناو بەڕێوەبەایەتى هەیە کە بڕى (٢٩,٠٠٠)دینارە و بانکى ئەهلیش (٣٠,٠٠٠)دینارە..

یان ئەگەر کارتى نیشتمانیت هەیە لە جیاتى( ڕەگەزنامە و پێناسى بارى شارستانى)پێویستە:

( کارتى نیشتمانى + کارتى زانیارى ) لەگەڵ خۆت بهێنیت.

تێبینى : بۆ ئەو کەسانەى تەمەنیان سەروو ١٨ ساڵەو( کارتى نیشتیمانى) خۆیان هەیە، لە کاتى مامەڵەى پاسپۆرت

( کارتى زانیارى) باوکیان ئەهێنن، لە هەمان کاتدا پێویستە (پێناس) یان (کارتى نیشتمانى باوک)ى پێبێت.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نوێکردنەوەى پاسپۆرتى منداڵ

بۆ منداڵ خوار تەمەنى ١٨ ساڵ ئەم پێداویستییانە لەگەڵ خۆتان بهێنن:

١-  پێناسى بارى شارستانى (هویة الاحوال)پێویستە فسفۆر بێت، یان ئەگەر منداڵ (کارتى نیشتمانى) هەبێت کارتى نیشتمانى لە برى پێناس و ڕەگەزنامە دەبێت.

٢- ڕەگەزنامە (الجنسیة) ، بۆ ئەو منداڵانەى سەروو تەمەنى( ١٠) ساڵن پێویستە ڕەگەزنامەى خۆى هەبێت، بەڵام خوار تەمەنى (١٠) ساڵ لەسەر ڕەگەزنامەى وەلى امر (باوک)کاروبارى بۆ دەکریت.

٣- کارتى زانیارى (بطاقة سکن).

٤- یەک وێنەى پاسپۆرت.

٥ – پاسپۆرتە کۆنەکەت.

٦- بۆ تەمەنى خوار (١٨) ساڵ، واتە ١٨ ساڵى تەواونەکردبێت، ئەوا پێویستە باوک (ولى امر) ئامادەبێت بۆ مامەڵەى نوێکردنەوەى پاسپۆرتى منداڵەکەى.

٧ – چەکى بانک لەبەردەم بەڕێوەبەرایەتى و لە ناو بەڕێوەبەایەتى هەیە کە بڕى (٢٩,٠٠٠)دینارە بانکى حکومى و بانکى ئەهلیش (٣٠,٠٠٠)دینارە.

ڕاگەیاندن و پەیوەندییەکان